ممكن مساعدة عن كيفية اكتساب الاصدقاء و السيطرة عليهم

 

-----------------------------------

 

المهارات الاساسية لاكتساب الاصدقاء :
الصدق
القدرة على الانصاط اكثر من الكلام


الابتسامة الصادقة
الحفاظ على نبرة صوت صديقة
لغة الجسد الترحيبية
تجنب النقد بجميع انواعة. النصيحة في اضيق الحدود بطريقة لا تشعره بنقدك له او انقاصك من شانة
اياكى و النقد امام الاخرين
الامتناع عن محاولة تغيير صديقك .
لا تسخرى من نقاط ضعفة او عيوب شخصيتة ابدا سواء بينك و بينة او امام الناس
احترامة و عدم التقليل من شانة حتى لو كلامة هايف . يعنى اي حاجة مش عاجباكى في شخصيتة لا تظهري نفورك مها .
لا تقولى له لا . بمعنى انك لازم تتفقى معاة في الرائ حتى لو مش عاجبك ، لازم تقولى في الاول اتفق معاك في الرائ . لا تعترضى . بعد كدة اثناء الحديث قولى رائيك المخالف لرائية


عادى . المقصود تجنب التصادم معة باي شكل من الاشكال.
لا ترفضى له طلب
اظهرى محاولاتك للمساعدة و التفانى في ذلك بصدق
الحفاظ على اسرارة
لازم تتعلمى ازاي تكونى شخصية مريحة ( تريحي اللى قدامك)
تجنبي الحديث في الامور اللى انتى عارفها اانك غير متفقة مع صديقك فيها
اكثر الامور التى تجعل تقرب الناس منك هى :
الانصاط و الاستماع عندما يتحدثون اليكي ، خاصتا في الاوقات اللى بيكونوا محتاجين حد يسمعهم فيها
شعورهم بمحاولاتك الدائمة لحل مشاكلهم
لو عاوزة تفاصيل لاى شئ من النقاط اللى مذكورة في الاعلى ، منفضلك لا تتردى في السؤال .


اما بالنسبة للسيطرة ، انا هاخمن انك تقصدى القيادة ، انك تكونى رئيسة العصابة يعنى ، و دة يتطلب :
تجنبي فرض السيطرة – لانها تطلب ولا تفرض .
يعنى انتى لو عندك روح قيادية و بيحبوكي و عارفين انك بتعرفى تتصرفى ، اصحابك هايطلبوا منك انى تتولى امرهم في امورهم و قيادتهم في الامور . لكن لا تفرضيها على احد
اغلب الامور اللى الاصدقاء بيحتاجوا حد يقودهم بيها بتكون الامور اللى محتاجة جراءة . الحجات اللى بيكون كل واحد فيهم مكسوف انة يعملها و معندوش الشجاعة الكافية فبيحتاج حد انة ينوب عنة فيها. زي مثلا لو عاوزين تستفسروا عن حاجة من دكتور في الجامعة ، موضوع مواجهة الدكتور و التحدث الية شخصيا امر بيخاف منة اغلب الطلبة و بيتكسفوا ويخافوا . في اللحظات اللى زى دي بتكون فرصتك كبيرة في اثبات قدرتك على القيادة. هاتخديهم للدكتور و تكلمى الدكتور بالنيابة عنهم و تسالى عن الحجات اللى هما مكسوفين يسالوة فيها . طبعا دة عاوز منك ثقة بالنفس . المرة اللى بعدها هما اللى هايطلبوا منك انك تتولى امر قيادتهم في امور اخرى تطلب شجاعة موجودة فيكي و مش موجودة فيهم .
ايضا القدرة على المواجهة ، يعنى في اوقات بتحصل مشاكل مع احد افراد "الشلة" و عاوز حد


يساعدة ، فتاخدية من ايدة و تاخديلة حقة . او تتحدثى بالنيابة عن زملائك في المواقف الحرجة. طبعا مش معنى كدة ان نطلوب منك انك تكونى لبط و تعرفى تتخانقى. لا بالعكس ، ساعتها بيكون طلوب منك اللباقة و اللياقة في الحديث . ساعتها لو الادب ماجبلكيش حقك ، لازم تعرفى ازاى توصلى للمسؤولين اللى يجبوا لصديقتك حقها . طبعا انك صديقتك عمالة تعيط و خيبة و حقها ضاع و مفيش امل و كدة و انتى السوبر ماوس اللى هايروح للمسؤول زيعميد الكلية غيرة عشان يجيب الحق الضايع .
لازم يكون عندك قدرة على التصرف و سرعة بديهة