انا لما دخلت النت اعترفت على ناس من عيلتى مكنتش اعرفهم
وبعد كده بكام يوم قلى لو انا قلتلك بحبك
فانا ساكت فقلى والله لو بجد موافقه عمرى ماهزعلك وهحترمك وهاجى عندكم البيت فى الاجازه اتعرف عليكم
كلامه كان بجد اوى
عارف انا يمكن مش فاكره كل كلامه بالتفصيل لكن كلامه جد اوى وطيب جدا انا اتعرفت على ناس كتير وعارفه الكلام والتلوين فيه بس بجد ده عمرى ماحسيت انوا بيكدب
فقلتله علشان مانخسرش بعد كااصدقاء او اخوات بلاش ارد عليك انهارده لانى مش عارفه ارد اقول ايه بعد كده دخلت حكيت لاختى الكبيره قلتلى انتى اتهبلتى يحبك ازاى انتوا لسه صغيرين فمحبتش اكلمها تانى فى الموضوع ده جه البيحبنى وكلمها واتحايل عليها وهيا مش موافقه المهم انا وافقت على كلامه وهوا شاف صورتى بس على الايميل وشيلتها على طول وانا كمان شفت صورته وقلى عايز رقم تليفونى قلتله كفايه رقم اختى معاك اختى كبيره انا مينفعش ولو كلمتك هكلمك من وراهم وكفايه انى بكلمك على الاميل فقلى انا والله سعيد بردك احترمتك اكتر
وامبارح قلى على اختى لما تتخطب هيجى الخطوبه واول ما بابا وماما يوافقوا هخطبك وحلف انوا عايز يخطبنى ومش بيهزر بس طبعا سننا لسه صغير 17 و17 ونص فقلتله لاطبعا مش دلوقتى حتى لو وافقوا مش هيبقى دلوقتى اكيد بعد سنتين يكون احسن او سنه بس عايزه رايك بجد والله محتاره انا الايام دى بكلمه بطريقه مش كويسه معانه انسان زوق وطيب ومحترم اوى والطريقه الانا بكلمه بيها دى لانى محتاره اكلمه ولا لا
عاوزة نصيحة اخ كبير ؟ و عاوزة الكلام الصح ؟ و لو تقدري فعلا تعملى الصح دة و قد طلب النصيحة ؟ دة لو انتى فعلاً عاوزة تعملى الصح . ماتكمليش في الموضوع دة .
اقولك على حاجة ؟ ماتخليش رغبتك في انك تحبي و تتحبي تكون السبب في تجربة ممكن تنجح في المستقبل و بسبب قلة خبرتك ممكن تفشل .
عارفة ؟ طالما طلع اريبك ، هايفضل على اتصال بيكم على طول.
هو عشان قالك انة بيحبك توافقى على كل حاجة؟ هو انتى بتحبية ؟ مافتكرش.
لو فعلا متعلقة به بس عشان الموقف حلو و واحد حبك و اول مرة و كدة . بلاش التجربة دي.
استنى شوية. انتى في سن صغير . لسة قدامك الحياة طويلة. و لما تدخلى الكلية انشاء الله هاتشوفى فيها احلى ايام حياتك العاطفية .
ممكن تجربتك دي تضيع عليكي فرص حلوة جدا هاتمرى بيها لما تكبري انشاء الله و تدخلى الكلية .
انتى مش صغيرة على الحب . بس انتى وقت التجارب بالنسبالك لسة ماجاش.
حاجة تانية. النت ماليان . لسة لما تقضى وقت اطول على النت هاتمرة بتجارب اكتر و تشوفى ناس اكتر .
و بعدين ، خلى بالك لا موضوع ارتباطك بواحد من اقاربك البعاد يسبب مشاكل بين اهلك و اهلة لو الموضوع ماتمش بصورة سليمة .
و بعدين لما هو يكبر و يدخل الكلية هايشوف بنات و هايمر بتجارب اللة اعلم ساعتها هايعمل معاكي اية
افرض بعد مارتبطى بية دلوقتى دخل صنايع ولا فشل في الدراسة ؟ ساعتها هاتقولى لنفسك لو كنت صبرت علية و اتقدم لى و هو تعليمة اقل من تعليمي ماكونتش هاوافق
لو تعرفى تعملى بالنصيحة دي اعملى بيها
لو ماتعرفيش، خلي بالك من نفسك و على الاقل ماتخليش ارتباطك بية بسبب مشاكل عائلية بين اهلة و اهلك و مايكونش سبب في تاخرك في الدراسة او تاخرة هو في الدراسة.
لو هاتبعدى عنة ابعدى عنة خالص و ماتتصليش بة الا بطريقة رسمية لما يجي هو و اهلى يزوروكم في البيت
إرسال تعليق